Таче мемнан землякна, лӱмлӧ композитор Андрей Эшпайын шочмыжлан – 100 ий
Таче мемнан землякна, лӱмлӧ композитор Андрей Эшпайын шочмо кечыже. Йошкар-Олаште тудын лӱмеш площадь лиеш. Тыгай решенийым почётан гражданинын, лӱмлӧ композиторын 100 ияш лӱмгечыже вашеш лукмо. Тӱвыра министерствын да марий калыкын тӱҥалтышыже почеш Эшпайын лӱмжым Марий филармоний шеҥгелне верланыше Изи Какшан эҥер серын ужашыже нумалаш тӱҥалеш. Тиде вер Андрей Яковлевичын марий кундемын да элнан тӱвыра ден сымыктышышкыже пыштыме надырже дене кугешныме символ лиеш.
Российысе пианист-виртуоз Денис Мацуев палемден: Композитор Эшпайын гениальностьшо- тудын таглай улмаштыште. Андрей Яковлевичын произведенийже- влак Совет Ушем мучко йоҥгеныт. Нуным менан ача-авана- влак шӱмеш логалмышт да таглай улмыштлан йӧратеныт. Тудын усталыкышым кызытат аклат. Тудо шӱдӧ утла романс ден мурым возен, 60 утла кинолан семым келыштарен. Академический поянлыкшат шагал огыл: симфонийже- влак, коло утла инструментал концерт, балет-шамыч да моло произведений- влак улыт,- ушештарен ола мэрын пашажым шуктышо Антон Трудинов.
Таче Республикым вуйлатыше- влак, тудын усталык пашажым аклыше да йӧратыше- влак композиторын бюстшо воктеке пеледыш аршашым пыштеныт.
Фото: Михаил Скобелев / «Марий Эл» увер агентстве
Российысе пианист-виртуоз Денис Мацуев палемден: Композитор Эшпайын гениальностьшо- тудын таглай улмаштыште. Андрей Яковлевичын произведенийже- влак Совет Ушем мучко йоҥгеныт. Нуным менан ача-авана- влак шӱмеш логалмышт да таглай улмыштлан йӧратеныт. Тудын усталыкышым кызытат аклат. Тудо шӱдӧ утла романс ден мурым возен, 60 утла кинолан семым келыштарен. Академический поянлыкшат шагал огыл: симфонийже- влак, коло утла инструментал концерт, балет-шамыч да моло произведений- влак улыт,- ушештарен ола мэрын пашажым шуктышо Антон Трудинов.
Таче Республикым вуйлатыше- влак, тудын усталык пашажым аклыше да йӧратыше- влак композиторын бюстшо воктеке пеледыш аршашым пыштеныт.
Фото: Михаил Скобелев / «Марий Эл» увер агентстве
