Марий Эл Правительстве вуйлатышын икымше алмаштышыже Евгений Курмаев Советский районысо калык дене вашлиймашым эртарен
Марий Эл Правительстве вуйлатышын икымше алмаштышыже Евгений Курмаев Советский районысо калыклан приемым эртарен да Районысо депутат- влак погынымашын сессийыштыже участвоватлен. Приёмыш мийыше- влак яллаш газым пуртымо, туныктыш да медицина тӧнежлам олмыктымо, тӱзландарыме, корным чоҥымо дене кылдалтше йодышлам пуэденыт. Пурышо йодыш- влаклан умылтарымашым да верысе кучем орган- влаклан кӱштымашым пуымо. Нуным шуктымым Правительство вуйлатышын икымше алмаштышыже шке контрольышкыжо налын. Тыгак тудо Районысо депутат- влак погынымашын сессийыштыже лийын. Тушто тӱн йодыш семын район администрацийым вуйлатышым сайлымаш эртен. Йӱклымаш почеш тиде должностьыш Евгений Пушкиным шогалтыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
