Марий Эл Правительстве вуйлатышын икымше алмаштышыже Михаил Васютин шке постшым коден кая
Тений 30-шо сентябрь гыч Марий Эл Правительстве вуйлатышын икымше алмаштышыже Михаил Васютин шке постшым коден кая. Тидын нерген келшыше Указым Республикым вуйлатыше Юрий Зайцев пеҥгыдемден. Документым таче Правительствын официальный порталыштыже савыктыме. Тушто возымо: Россий Федерацийын Паша кодексшын 77-ше статьяжын икымше ужашыжын кумшо пунктшо дене келшышын шкенжын инициативыже почеш Михаил Васютиным 30-шо сентябрь гыч Правительстве вуйлатышын икымше алмаштышыже должность деч эрыкаҥдаш. Ушештарена: Михаил Васютиным тиде должностьыш 2022-шо ийын 7-ше ноябрьыште пеҥгыдемдыме ыле.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
