Марий Тӱвыра рӱдерым вуйлатышым шке кумылжо почеш должностьшо деч эрыкаҥдыме
Марий Тӱвыра рӱдерым вуйлатыше Василий Петровым шке кумылжо почеш должностьшо деч эрыкаҥдыме.- увертара тӱвыра министерствын пресс-службыжо. Тудо рӱдерын директоржылан тений январь гыч ышташ тӱҥалын ыле. Коллективым у вуйлатыше дене палымым ыштеныт. Тимофей Евсеев лӱмеш калыкле тоштерын маркетинг да ужалыме шотышто пӧлкажым вуйлатыше Ирина Якаевам Марий Тӱвыра рӱдерын директоржын сомылжым жаплан шуктышылан шогалтыме. Марий тӱвыра рӱдерыште правительстве вуйлатышын алмаштышыже, тӱвыра министр Константин Иванов дене вашлиймаш лийын. Туштак у вуйлатыше дене палдарыме. Тӱвыра рӱдерым 1999-ше ийыште почмо. Тудым марий калыкын тӱвыражым да шӱм-чон поянлыкшым арален кодаш да умбакыже вияҥдаш ыштыме. Тӧнеж тӱҥ пашажым Марий Элыште да марий- влакын тӱшкан илыме кундемлаште шукта.- увертара «Кидшер» сайт.
Фото: Тӱвыра министерстве.
Фото: Тӱвыра министерстве.
