Волжск олан мэрже паша гыч каен

Волжск олан мэрже паша гыч каен
               Оласе погынымашын депутатше- влак Волжск олан мэржын отставкыжым приниматленыт.  Шымше созыв ола погынымашын 63-шо заседанийыштыже депутат- влак Волжск ола администрацийым вуйлатыше Рафис Шагвалеевын отставкыже нерген йодышым онченыт. Рафис Минзагитович постшым коден каяш шке кумылаҥын. Молан манаш гын тудым кандашымше созыв ола погынымашын депутатшылан сайлыме. Мэрын сомылжым жаплан икымше алмаштышыже Сергей Лазарев шукта,- увертарат «Волжск ола» ола округын депутат- влак погынымашыште. Сергей Лазарев ондак верысе «Водоканал» директорын алмаштышыже лийын, Озаҥысе химико-технологий институтым тунем пытарен, инжере- механик улеш. Волжск олаштак шочын. Волжск кугытшо дене республикыште кокымшо ола улеш. Тушто 52 тӱжем утла еҥ ила.
                Фото vk.com/deputatyvoljsk

Прошлые выпуски