Теҥгече чодыра пашаеҥ- влакын кечышт палемдалтын

Теҥгече чодыра пашаеҥ- влакын кечышт палемдалтын
              Теҥгече чодыра пашаеҥ- влакын кечышт палемдалтын. Тидын вашеш чодыра отрасльын пашаеҥже- влакым Марий Элым вуйлатыше Юрий Зайцевын лӱмжӧ дене Правительстве вуйлаышын алмаштышыже Дмитрий Троицкий саламлен. Республикым вуйлатыше шке саламлымашыштыже палемден: чодыра озанлык отрасль Российын ласкалыкшылан да пеледмашыжлан йӧным ышта, кугыжанышын социал- экономик илышыштыже вӱдышӧ рольым налын шога. Марий Эл эре чодыран поянлыкше да да мотрлыкшо дене чапланен. Республикыште тудым оролаш, аралаш да уэш кушташ кугу тӱткышым ойырат. Дмитрий Троицкий ешарен: 2019-ше ий гыч чодырам аралыме регионысо проект  кышкарыште 61 чодыра пожар техникым, 539 оборудованийым налме. Республикысе «Авиалесоохранын» 103 единице чодыра пожар техникыже уло, план почеш 99 лийшаш. Правительстве Председательын алмаштышыже чодыра отрасльын еҥже- влаклан пӱртӱс поянлыкым переген да ешарен шогымылан, пожар лӱдыкшыдымылыкым ыштымылан тауштен. Передовойышто улшо боец- влаклан, нунын ешыштлан полшымыан таум каласен. 2023-шо- 2024-ше ийлаште сар кундемыш 30 фура чодыра материалым колтымо. Спецопераций тӱналме годсек СВО-н участникше- влакын 434 ешыштлан пуым ситарыме. Чодыра озанлыкын пашаеҥже ден ветеранже- влакым Правительстве вуйлатышын алмаштышыже Степан Воронцоват саламлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски