Марий Элысе ял озанлык производитель- влак 94 процент кумдык гыч пырчан культурым поген налыныт

Марий Элысе ял озанлык производитель- влак 94 процент кумдык гыч пырчан культурым поген налыныт
              Марий Элысе ял озанлык производитель- влак 94 процент кумдык гыч пырчан, пырчан да отызан культурым поген налыныт. Республикыште кызыт пасу паша тургымын эн пӱсӧ жапше. Пасу пашаеҥ- влак пырчан да отызан культурым погат. Таче кечылан тудым 94 процент кумдык гыч поген налме. 290 тӱжем тонн пырчым шийме. Кокла лектыш ик гектарлан шотлымаште 23 центнерыш шуын. Пырчан культурым погымо дене пырля ял озанлык производитель- влак технический культурымат кораҥдат. Пареҥгым да саскам 13 процент кумдык гыч лукмо. Телылан ямдылалтмашын ик тӱҥ ужашыжлан вольыклан кургым шапашлымаш шотлалтеш. Палемдыме кугыт деч шудым 82 процентым, сенажым 105 процентым, 65 процент силосым аралаш пыштыме. Шушаш ийлан лектышым налашлан 45 тӱжем гектареш кокияшым ӱдымӧ. Тидыже палемдаме кугытын 105 процентше лиеш. Тыгак мландым кылмаш куралыт. Тымарте 28 тӱжем гектар мландым ямдылыме.

Прошлые выпуски