Йошкар-Оласе «Юбилейный» микрорайонышто школым чоҥымо пашам чарнымым умылтарыме

Йошкар-Оласе «Юбилейный» микрорайонышто школым чоҥымо пашам чарнымым умылтарыме
               Йошкар-Оласе «Юбилейный» микрорайонышто школым чоҥымо пашам чарен шогалтыме йодышым Республикысе чоҥымаш министерствыште умылтареныт. Шукерте огыл гына тушто паша шолеш ыле. Кызыт шке пашажым чаткан шуктыдымо генеральный подрядчикым вашталтыме сомыл кая. Тудын йодмыжо почеш объектым пашаш колтымо жапым ик гана веле огыл вес жапыш кусарыме. Таче кечылан школым чоҥымо пашам 50 наре процентлан гына шуктымо: пырдыжым нӧлтымӧ, вентиляций шахте- влакым ыштыме да ырыктыме, леведышлан гидроизоляцийым ыштыме. Тиде объектым чоҥымо пашам Республикын Правительствыже контрольышто куча. Кызыт йодышым виктарен колтымо йӧн- влакым кычалыт. Чоҥымо верыш йоча- влак ынышт пуро да моло улыжым шолышташ ынышт тӱнал манын школ кундемым оролымашке налме да видеоэскерымашым вераҥдыме.
     Фото: Чоҥымаш, илыме вер да коммунал озанлык министерстве.

Прошлые выпуски