Марий Эл Правительство Председательын икымше алмаштышыже Евгений Курмаев паша дене Килемар районыш миен

Марий Эл Правительство Председательын икымше алмаштышыже Евгений Курмаев паша дене Килемар районыш миен
              Марий Эл Правительство Председательын икымше алмаштышыже Евгений Курмаев паша дене Килемар районыш миен. Республикым вуйлатыше Юрий Зайцевын кӱштымыжӧ почеш Евгений Курмаев Марий Эл Кугыжаныш Погыным вуйлатыше Михаил Васютин дене пырля калыклан приёмым эртареныт, районысо депутат- влак погынымашын сессийыштыже участвоватленыт да кыдалаш школын пашажым тергеныт, 2022-шо ийыште калыкле проект кышкарыште модернизироватлыме «Сфера» кинотеатрым акленыт. Приёмыш мийыше еҥ- влак ял школым капитально олмыктымо, ялла кокласе корным лум деч эрыктыме, вӱд башне- влакым вашталтыме, теплотрассым пужен ыштыме, Килемар посёлкыш газым пуртымо, Килемар эҥер серым тӱзландарыме да моло йодыш- влакым пуэденыт. Йодыш- влаклан умылтарымашым пуымо да кучем орган- влаклан кӱштымашым палемдыме. Депутат- влак погынымашын сессийыштыже эртарыме конкурс почеш район администрацийым вуйлатышым пеҥгыдемдыме. Депутат- влак Татьяна Обухован кандидатурыжым поддержатленыт. Евгений Курмаев тыгак Килемар кыдалаш школын пашажым терген. Тушто 600 наре еҥ тунемеш, школ тоштер, бассейн, йоча усталык рӱдер пашам ыштат. Правительстве вуйлатышын алмаштышыже тыгак уэмдыме «Сфера» кинотетарым ончен лектын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски