«Вестник района» газет редакцийыште «Шарнымаш пырдыжым» ыштыме
«Вестник района» газет редакцийыште «Шарнымаш пырдыжым» ыштыме. Лӱмын эртарыме сар операцийыште вуйым пыштыше Советский районысо чыла еҥ нерген верысе журналист- влак редакцийыште «Шарнымаш пырдыжым» ямдыленыт. Тидын нерген тыге возеныт: пырдыж кодшо ийын шочын. Ту жап годсек тудо редакцийыш мийыше- влакын тӱткышыштым савыра. Южыжо чаманен палыме лӱм- влакым онча, южыжо лишыл еҥыштын фотосӱретшым ныжылгын ниялта. Экспозиций иктымат йӱштӧ кумыланым ок кодо. Чаманаш логалеш «Шарнымаш пырдыж» эше ешаралт шога. Теве кызытат ачамландын Геройжо- влакын кечышт вашеш экспозицийым уэмдыме. Ме тыге шонена: ик еҥат мондалтшаш огыл. Но мемнан палыдыме амаллан кӧра вуйым пыштыше чыла землякна нерген палыде кодын кертына.
Фото: Вестник района.
Фото: Вестник района.
