Марий Элыште икымше гана пашазе профессий-влакын фестивальышт эрта

Марий Элыште икымше гана пашазе профессий-влакын фестивальышт эрта
                Марий Элыште икымше гана пашазе профессий-влакын фестивальышт эрта. Таче да эрла республикысе колледж ден техникум- влак кыдалаш профессионал туныктымаш дене палыме лияш шонышо чыла кумыланлан шке омсаштым почыныт. Мероприятий кок корно дене кая: школышто тунемше ден ача-аваштлан да кугыеҥ ден пашам пуышо- влаклан. Уна- влаклан паша дене кылдалтше мастар-класс, мастерскойла мучко экскурсий, профессийлан да спецоборудованийлан презентаций эртаралтыт, консультацийым налаш да тунемаш возалташ лиеш. У тунемме ийыште 8-ше 11-ше класслаште тунемше- влаклан 29 профессий дене 755 верыш  тунемаш налыт,- увертара туныктыш министерстве. Тиде 8 тылзаш наре кӱчык программе- влак. Тушто кызыт кӱлешан пашаче профессийлам налаш лиеш. Нуно полыш сфера да беспилотникым виктарымаш гыч тӱҥалын, машиностроений, транспорт, энергетике марте паша дене кылдалтыныт. А кугыеҥ- влаклан республикыште кӱлешан 18 профессий дене курслашке погаш тӱҥалыныт. Туныктымаш октябрьыште тӱҥалеш.

Прошлые выпуски