Марий Элым вуйлатыше лӱмын эрарыме сар операцийын депутатлан сайлыме участникше- влак дене вашлийын
Марий Элым вуйлатыше лӱмын эртарыме сар операцийын депутатлан сайлыме участникше- влак дене вашлийын. Икмыняр кече ончыч республикыште Марий Эл Кугыжаныш Погыныш да верласе самоуправлений органлаш депутат- влакым сайлымаш эртыш. Тушко тӱрлӧ политпартий деч спецоперацийын боецше- влакат ушненыт. СВО-н участникше- влак Юрий Зайцев дене Марий Элын пуымо гуманитар полыш, республикым вияҥдыме да моло теме- влакым каҥашеныт. Юрий Зайцев палемден: эллан да армийлан ӱшанле тыл, кугыжаныш велым социал обязательствым вияҥдыме да шуктымаш, чыла политпартийын пеҥгыдын пырля пашам ыштымышт кӱлеш. Вашлиймашын ик йодышыжо- сар кайыме верыште сар операцийын участникше- влакым да нунын ешыштым поддрежатлымаш. Республикыште ятыр тӱрлӧ шуко полышым ыштыме. Зайцевын шонымыжо почеш сарыште шке лийше- влакын, тыште нелылык дене тӱкнышӧ- влакын каҥашышт деч посна тыныс илышыште боец- влаклан полшымо шотышто кеч-могай инициативе лачым ок лий. Кызытак спецопераций гыч пӧртылшӧ земляк- влаклан психологий, профессионал, социал полышым пуымо йодыш пӱсын шога. Тиде пашам кузе сайынрак виктарен колташ кучем органлан, мер ушем- влаклан лач спецоперацийын еҥже- влак темлен, каҥашым пуэн кертыт.- каласен регионым вуйлатыше.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
