Республикыштына 2028-ше ий марте Юл эҥерыште кок у причалым чоҥаш палемдыме
Республикыштына 2028-ше ий марте Юл эҥерыште кок у причалым чоҥаш палемдыме. Марий Элым вуйлатыше Юрий Зайцев ден транспорт да корно озанлык министр Александр Герасименко причал инфраструктурым вияҥдыме йодышым каҥашеныт. Кызыт Юрино посёлко ден Кокшайск селаште пассажир причалым чоҥашлан проект да пашаче документацийым ямдылыме паша кая. Нине проект- влак федерал поддержкым налыныт. Юриныште причалым 2025-ше 2027-ше ийлаште чоҥат, Кокшайскыште 2026-шо- 2028-ше ийлаште чоҥаш тӱҥалыт. Причалым ыштыме паша республикым 2025-ше-2030-шо ийлаште социал-экономик велым вияҥдыме индивидуал программе кышкарыште шукталтеш. А 2023-шо ийын ноябрьыште у пассажир причалым Козьмодемьянск ола воктене чоҥымо ыле.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
