Таче Озаҥыште БРИКС эллан 16-шо саммитышт пашам ышташ тӱҥалын

Таче Озаҥыште БРИКС эллан 16-шо саммитышт пашам ышташ тӱҥалын
                Таче пошкудо республикын рӱдӧ олаштыже- Озаҥыште БРИКС эллан 16-шо саммитышт пашам ышташ тӱҥалын. Тидлан кӧра Марий Элысе водитель- влакым Татарстаныште тӱшкан чарымаш нерген шижтарат. Чарымаш 22-шо гыч 24-ше октябрь марте шуйна. Тудо лӱдыкшӧ, кугу кугытан, неле грузым Казань агломерацийыш пурышо да «Казань» тӱнямбал аэропорт гутлаште федерал, регионысо да верысе корно дене шупшыктышо транспорт- влакым тӱка. Тиддеч посна Татарстанын рӱдӧ олаштыже тӱнямбал лидер- влакын лиймышт кечылаште рӱдӧ уремлаште да ола деч ӧрдыжсӧ трассылан ужашыштышт легковой да грузовой транспортлан петырыме лийыт. Аэропортыш такси дене кайыме олмеш электричке дене каяш темлат. Тыгак моло чарымаш- влакат улыт. Корныш лекме деч ончыч шоналташ темлат.
           Озаҥ олаште БРИКС-ын саммитше эртыме кечылаште Марий Эл гыч кум вашкеполыш бригаде пашам ышташ тӱҥалеш. Чылаже Российын тӱрлӧ кундемже гыч Озаҥ олаште вашке полышын 47 бригадыже пашам ышта. Икымше тӱшка вашке полыш Озаҥыш 18-ше октябрьыштак каен. Тиде- фельдшер ден водитель. Варарак нунын деке кум врач, кок фельдшер да кок водитель ушненыт. БРИКС саммит Озаҥ олаште 22-шо гыч 24-ше октябрь марте пашам ышта.
            Фото: источник photogenica, автор bermek

Прошлые выпуски