Йошкар-Олаште идалык еда калыкым кусарыме федерал программе кышкарыште 10-15 аварийный пӧртым кораҥдат
Йошкар-Олаште идалык еда калыкым кусарыме федерал программе кышкарыште 10-15 аварийный пӧртым кораҥдат. Кызыт рӱдӧ олаште 12 пӧртым рончышаш улыт. Тӱҥ шотышто тиде 50-ше ийлаштак чоҥымо шагал пачашан пӧрт- влак. Тушечын еҥ- влакым сай пачерлаш кусарыме. Подряд организаций ныл объектым рончен. Машиностроитель уремыште 28-ше номеран пӧртым сӱмырымӧ, 24-ше пӧрт гыч чоҥымо материалым шупшыктат. Пашан кузе кайымыжым ола мэрын икымше алмаштышыжын сомылжым шуктышо Алексей Игитов терген. Подрядчикын еҥже умылтарен: 8-10 пачеран ик пӧртым кораҥдашлан кок арня наре жап кӱлеш: пӧртшым сӱмыраш, чоҥымо материалжым шупшыкташ да мланде участкыжым тӧрлен шындаш.
Фото: Йошкар-Ола мэрий.
Фото: Йошкар-Ола мэрий.
