Марий Эл урлыкашым шке ямдылаш тӱҥалеш

        Марий Эл урлыкашым шке ямдылаш тӱҥалеш- талукышто 6 тӱжем наре тонным. Марий Элым вуйлатышын пашажым шуктышо «Шойбулак» племзаводын чоҥымо у селекций да урлыкаш рӱдерын куатшым аклен. Тушко 430 миллион теҥгем пыштыме. Тушечын 216 миллионжо- льготан кредит окса. Тыгай объект кызытеш республикыште уке. Тудым республикым вияҥдыме индивидуал программе кышкарыште пашаш колтымо. Племзаводын директоржо Алексей Комелинын мутшо почеш, комплекс йотэл производитель деч кораҥын, шке урлыкашым ямдылымашке куснаш ышталтын. Тиде комплекс тичмаш  производственный циклым шукта: пырчым налеш, ястара, икымше эрыктымашым эртара, кошта, вторичный пырчым ӱдышаш урлыкаш марте шукта. Нелылыкым ончыде, объектым августлан ямдылен шукташ тыршышна,- каласен Алексей Комелин. У рӱдер предприятийлан сай качестван пырчан, пырчан да отызан, технический культурын урлыкашыжым ГОСТ дене келшышым ышта, шурно лектышым кугемда. Рӱдерын куатше- 6 тӱжем тонн, а озанлыклан шкаланже ныл тӱжем тонн кӱлеш.
             Фото: Марий Элым вуйлатышын организаций да аналитик виктемже.

Прошлые выпуски