Ялысе спорт модмаште Марий Элын командыже шке группыштыжо икымше верым сеҥен налын

          Россий кӱкшытан кеҥежымсе ялысе спорт модмаште Марий Элын командыже шке группыштыжо икымше верым сеҥен налын. 26-шо гыч 31-ше июль марте Омск олаште 13-шо кеҥежымсе модмашын финал йыжыҥже эртен. Марий Элын сборный командыжым ныл районын- Советский, Медведево, Куженер да Килемар кундемын еҥышт гыч чумырымо. Республикын командыже 6-шо группышто таҥасен. Тушко Регионын ял кундемыштыже 250 тӱжем марте еҥ илыман  субъект- влак пуреныт. Тыге 6-шо группышто 22 субъект лийын. Тиде эн кугу тӱшка. Марий спортсмен- влак спорт ешын, механизатор, ушкалым лӱштышӧ, шудым солышо- влакын таҥасымашыштышт ӱчашеныт, полиатлон, мини лапта, волейбол дене модыныт. Историйыште икымше гана Медведево район гыч марий спортсмен Матвей Смирнов 52 субъект гыч мехнизатор- влак коклаште сеҥышыш лектын. Команде- влак коклаште Марий Элын сборныйжо икымше верым сеҥен налын.
             Спорт-туризм министерствын фотожо.

Прошлые выпуски