Марий Элыште паша визит дене Российысе тазалыкаралтыш министерствын тӱн неонатологшо, профессор Дмитрий Иванов лийын

            Марий Элыште паша визит дене Санкт-Петербургысо кугыжаныш педиатрий медицина университетын ректоржо, Российысе тазалыкаралтыш министерствын тӱн неонатологшо, профессор Дмитрий Иванов лийын. Тудо Йошкар-Олаште принатал рӱдерыш миен, журналист- влакын йодышыштлан вашештен. Лӱдыкшыш логалше ӱдырамаш- влаклан полшымо годым кӱкшӧ технологий пеш кӱлешан палемден тудо. Российыште 2012-шо ий гыч 22 арняш, 500 грамм утла нелытан  шочшо азалан кӱлешан чыла полышым пуымо норма уло. Элыштына тыгай кундем- влакат уло, тушко Марий Элат пура, килограмм деч изирак нелытан 90-95 процент аза илыше кодеш. 60, южгунам 70-80 процент тыгай аза шке ийготашыштым поктен шуыт да таза айдеме лийын кушкыт.
             Кугу тӱткышым вияҥмаште улшо порокым тӧрлымашлан виктарена,- каласен Дмитрий Иванов. Марий Элыште тыгай черанже, юмылан тау, шукын огытыл. Кызыт пациент- влакым федерал рӱдерлашке эмлаш колташ йӧн уло. Федерал рӱдерлан специалистышт ден консультацийым тора гыч налмашат врач- влаклан кугу полыш. Университет тылзе еда 200 наре тыгай умылтарымашым пуа.
             Дмитрий Олегович элыштына неонатал скринингым эртарыме темымат тарватен. Элыште кызыт кажне шочшо аза тукым гыч куснылшо вич черлан тергалтеш. Шушаш ий гыч аза- влакым 36 черлан тергаш тӱҥалыт. Профессор тыгак перинатал рӱдерын пашажым аклен. Марий Элыште пашан саеммыжым, Перинатал рӱдерын вияҥмыжым палемден. Тыгак тудо медицина организацийлам вуйлатыше да тазалыкаралтышын специалистше- влак дене вашлиймашым эртарен. 
            Фото: Тазалыкаралтыш министерствын фотожо.

Прошлые выпуски