Йошкар-Олаште юж дене ийме шым кечаш фестиваль лиеш
Йошкар-Олаште юж дене ийме шым кечаш фестиваль лиеш. Олан кечыже вашеш юж дене ийше- влакын кумшо фестивальышт эрта. Рӱдӧ оласе еҥ- влак да уна- шамыч юж шар дене кавашке нӧлталт кертыт. Визымше гыч 11-ше август марте Йошкар-Олаште юж шар- влакын фестивальышт эрта. Мероприятий юж дене ийше- влак клублан 8 ий темме да Олан кечыжлан пӧлеклалтеш. Тушко элысе тӱрлӧ кундем гыч пилот- влак погынат. Йошкар-Ола ӱмбаке 13 аэростат нӧлталтеш. Мероприятийын программыштыже кече лекме да шичме годым тӱшкан чоҥештылмаш, йӱдым Патриарший площадьыште аэростатын волгалтмыже, Сертификат- влакым модын налмаш лиеш.
