Марий спортсмен- влак Юл кундем федерал округын Кубкыштыжо ече дене таҥасымаште сеҥыше лийыныт
Марий спортсмен- влак Юл кундем федерал округын Кубкыштыжо ече дене таҥасымаште сеҥыше лийыныт. Тиддеч ончыч Юл кундем федерал округышто полномочный представительын алмаштышыже Олег Машковцев ече корнышто спорт туризм дене округын первенствыжлан стартым пуэн ыле. Таҥасымаште 14-15 ияш ӱдыр-рвезе- влак да 16. 21 ияш юниор ден юниорко-влак таҥасат. Первенстве Самара областьыште 18-ше гыч 22-шо февраль марте эрта. Тудын лектышыже округысо 12-шо спорт-турист «Туриада» лагерьын общекомандный зачётыштыжо шотлалташ тӱналеш. Тений тудо йӱла семын Саратов областьысе Хвалынск олаште майыште лиеш. Кубкым почмаште ече дене эстафета эртен «Юниор-ден юниорко» ийгот категорийыште Марий Элын командыже икымше верым сеҥен налын. «Ӱдыр-рвезе- влак» категорийыште мемнан команде кумшо лийын. «Ончылно у сеҥымаш- влак лийыт манын ӱшанем. Налме награде дене саламлем да у сеҥымаш- влакым тыланем!»- возен Юрий Зайцев шке телеграм каналыштыже.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
