Марий Элым вуйлатыше Херсон да Херсон область гыч толшо еҥ- влаклан чыла кӱлеш полышым пуаш кӱштен
Марий Элым вуйлатыше Херсон да Херсон область гыч толшо еҥ- влаклан чыла кӱлеш полышым пуаш кӱштен. Юрий Зайцев совещанийыште палемден: специальный сарзе операций шуйнымо кундемла гыч толшо еҥ- влак Российын калыкше улыт. Нунылан чыла кӱлеш полышым пуыман. Правительстве председательын алмаштышыже Александр Сальников республикым вуйлатышылан увертарен: толшо еҥ- влаклан палемдыме кугыт дене тӱлымӧ лиеш. Кызыт нуным жаплан ямдылыме верыш илаш пуртымо. Шуко функциян рӱдер, миграций службо чыла кӱлеш полышым пуат, йодышышт вигак ончалтеш. Марий Элым вуйлатыше палемден: республикысе калыкат ордыжеш ок код. Нуно адакат полышым пуышыла икоян улмым, поро кумылым, элым йӧратымым пеҥгыдемден ончыктеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
