Специальный сарзе операцийыште вуйым пыштыше Сергей Шабалинлан мемориал оҥам почмо

          Марий Элыште специальный сарзе операцийыште вуйым пыштыше Сергей Шабалинлан мемориал оҥам почмо. Тудым У Торъял школ- интернатын пырдыжешыже вераҥдыме. Торжественно почмо мероприятий теҥгече лийын. Сергей Шабалин тиде школ- интернатым 2002-шо ийыште тунем пытарен. А 2022-шо ийын 15-ше майыште шке сарзе порысшым шуктышыла ӱмыр лугыч лийын. Колымекыже патырлык орденым пуымо. Торжественный мероприятийыште У Торял район администарцийым вуйлатыше Василий Блинов, геройын эргыже, родо-тукымжо, ик классыште тунемшыже, йолташыже- влак, школышто тунемше да вооруженный вийын ветеранже- влакын мер ушемыштым вуйлатыше- шамыч лийыныт. Палашлан: Сергей Шабалин 1985-ше ийыште У Торъял районысо Пӱгӧвож ялыште шочын. У Торъял школ-интернатым тунем пытарен. Контракт почеш службым Чечен республикыште да Таджикистаныште  эртен.     Тений 24-ше апрель гыч спецоперацийыште участвоватлен.
          Фото: У Торъял район администраций. 

Прошлые выпуски