Православий йӱлам кучышо- влакын тений шуко кечан пытартыш пӱтышт тӱҥалын - Рошто пӱтӧ
Православий йӱлам кучышо- влакын тений шуко кечан пытартыш пӱтышт тӱҥалын - Рошто пӱтӧ. Адакшым пӱын водыжо апостол Филиппым шарныме кечылан тура толмылан тудым эше Филипп пӱтӧ маныт. Рошто пӱтын шкенжын раш жапше уло. Тудо кажне ийын 28-ше ноябрьыште тӱналеш, 40 кече шуйна да 6-шо январьыште Рошто водын мучашлалтеш. Шке пеҥгыдылыкше дене тиде пӱтӧ Петро пӱтӧ деке лишылрак. Пӱтӧ ӱстембалне тӱн шотышто тӱрлӧ пучымыш лийшаш. Шылым, муным да шӧрым кочмо деч черке чарнен шогаш ӱжеш. Шочмын, вӱргечын да кугарнян кушкыл ӱйымат кочкаш чаралтеш. Черке пайрем годым- мутлан 4-ше декабрьыште, 19-ше декабрьыште колым кочкаш лиеш. А Рошто водын, 6-шо январьыште, каваште икымше шӱдыр лекмеш кочкаш ок лий. Вара мӱеш шолтымо шыдаҥ пырчым але изюм дене шолтымо рисым тамлат. Но шарныман: пӱтым кучымаш тазалыклан эҥгекым кондышаш огыл. Пӱтым кучаш шонышо- влак шке врачышт дене каҥашышаш улыт.
Фото: Йошкар-Ола епархий.
Фото: Йошкар-Ола епархий.
