«Марий Элысе кушкылым шымлыше- влак» ончер почылтын

            Йошкар-Олаште таче Евсеев лӱмеш калыкле тоштерыште «Марий Элысе кушкылым шымлыше- влак» ончер почылтын. Тудо Марий научно шымлыше институтын геоботаник экспедицийжын пашам ышташ тӱҥалмыжлан 90 ий темме да шанчыеҥ-флорист, РАН-ын Руш ботаник обществыжын еҥже, биологий науко доктор, Марий Эл наукын сулло пашаеҥже Николай Абрамовын шочмыжлан 80 ий теммылан пӧлеклалтеш. Экспозицийыш тоштерын документ да биологий фондшо гыч материал- влакым- фото сӱретым, шанчыеҥ-флорист- влакын шанче пашаштым, кушкылым погымо да коштымо оборудований ден паша ӱзгар- влакым, гербарий образец- влакым да моло материалым лукмо.
             Фото: Евсеев лӱмеш калыкле тоштер.

Прошлые выпуски