Эрла республикыштына «Спорт теле» тӱналеш
Эрла республикыштына «Спорт теле» тӱналеш. Российын спорт министерствыже теле тургымым почмо лӱмеш «Спорт теле» Россий кӱкшытан акцийым эртара. Марий Элат ӧрдыжеш ок код. Республикыште тиде акцийлан икмыняр мероприятийым ямдылыме. Спорт-туризм министерствыште тиде кечын ече дене Российын спорт мастерже- влак дене вашлиймаш, «Кортышто» ече дене тӱшкан таҥасымаш лиеш. Программыште тыгак коньки дене фигурнын мунчалтымаш дене виш занятий «Дружба» стадионын Ий полатыштыже лийшаш. Тудым ий спорт дене спорт школын тренерже- влак ямдылат. «Марий Эл» ий полатыште 16 шагатат 15 минутышто хоккей дене йолташла вашлиймашым эртарат. Йошкар-Ола гыч «Спартак» команде ден Марий Турек гыч «Восток» вашлийыт. Звениговышто хоккей дене турнир пӧръеҥ да йоча команде- влак коклаште эртаралтеш. «Спорт телын» мероприятийже- влак коклаште тыгак коньки дене мунчалташ туныктымо мастар класс лиеш. Тудым «Марий Эл» да «Дружба» стадионын Ий полатлаште эртарат.
Фото: Архив.
Фото: Архив.
