Марий Элым вуйлатыше Ленинград областьысе марий мер органиазцийын еҥышт дене вашлийын
Марий Элым вуйлатыше Ленинград областьысе «Ший Корно» марий калыкле тӱвыра автономийын да «Марий Петербург» мер органиазцийын еҥышт дене вашлийын. Йӱла семын Юрий Зайцев паша дене Йӱдвел рӱдӧ олаш мийымыже годым марий калыкын йылмыжым да йӱлажым арален кодымо йодыш- влакым каҥаша. Марий йылмым туныктышо Ирина Тойгильдина калыкле тӱвырам поддержатлымылан да тиде аланыште лийше сай вашталтыш- влаклан тауштен. Тудо Петербург ден Ленинград областьыште илыше- влаклан марий йылме курсым почаш полшаш темлымашым ыштен. Юрий Зпйцев тыгай йӧн уло манын. Кодшо ийын калыкле тӱвыра портыштӧ тыгай онлайн школым почмо манын. Марий Элын Санкт-Петербургысо полномочный представительже Елена Танникова республике гыч лӱмын эртарыме сар операцийыште вуйым пыштыше боецын ешыжлан полшаш йодын. Республикым вуйлатыше йодышым ончен лекташ сӧрен, Марий Элыште тыгай йӧным ыштыме манын. Санкт-Петербургысо ик школышто туныктышо Наталья Иванова марий йоча- влаклан Марий Элыш шинчымашым кумдаҥдыше мероприятийлаш кошташ йӧным ышташ йодын. Глава республикыште идалык еда кеҥежым марий самырык тукымын слётшо эртаралтеш манын. Тений слёт Юрино районышто лийшаш. Вашлиймашыш погынышо- влак Марий Элым вуйлатышылан «Пеледыш пайремлан» официальный пайрем статусым пуымылан тауштеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
