Республикысе социал тӧнеж- влаклан 25 автомобиль ден автобусым налыныт

Республикысе социал тӧнеж- влаклан 25 автомобиль ден автобусым налыныт
                 Юрий Зайцевын кӱштымыжӧ почеш республикысе социал тӧнеж- влаклан 25 автомобиль ден автобусым налыныт. Кодшо ийын Марий Элым вуйлатыше транспортым уэмдаш республикын бюджетше гыч 50 миллион теҥгем ойырен ыле. А теҥгече социал тӧнежлам вуйлатыше- влаклан Юрий Зайцев у машина ден автобус- влак деч сравочым кучыктен. 19 «Гранта» автомобильым социал полышым пуышо рӱдер ден калыкым социал обслуживатлыше комплексный рӱдерлашке колтымо. Эше ик машинаже Люльпанысе тулык да ача-аван полышыжо деч посна кодшо йоча- влаклан рӱдерыш каен. Вич автобусым Звенигово, Морко да Волжский районласе йоча- влаклан социал тӧнежлашке пуымо. Ийготыш шудымо йоча- влаклан «Журавушка» социал да реабилитаций рӱдерын директоржо Андрей Мотовилов республикысе калык верч тругыжланымыжлан Марий Элым вуйлатышылан таум каласен. Ынде ме задачынам писын да сай качестве дене дене шуктен, республикын кеч-могай кундемышкыже социал полышым пуаш миен кертына. Тӱҥжӧ йоча- влакым лӱдыкшӧ деч посна шупшыкташ лиеш, манын тудо.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски