Юл кундем федерал округын Первенствыштыже Марий кучедалше- влак ныл шӧртньӧ медальым сеҥен налыныт

Юл кундем федерал округын Первенствыштыже Марий кучедалше- влак ныл шӧртньӧ медальым сеҥен налыныт
            Юл кундем федерал округын Первенствыштыже Марий кучедалше- влак ныл шӧртньӧ медальым сеҥен налыныт. Спорт але греко-рим кучедалмаш дене Юл кундем округын Первенствыже Изак-шоляк Халиловмытын призше верч Саранск олаште эртен. Пьедесталысе вер- влак верч уло Юл кундем гыч 419 спортсмен кредалын. Марий Элысе спортшкол гыч 6 спортсмен призёр лийын. Шӧртньӧ медальым Волжск ола гыч 44 килограмм марте нелытан- влак коклаште Артём Грецов, тиде ола гычак 44 килограмм марте нелытан- влак коклаште Матвей Колениченко, Йошкар-Ола гыч 57 килограмм марте Юрий Ронжин, 110 килограмм марте Теймур Фарзалиев налыныт. Ший медальым Волжск гыч 41 килограмм категорийыште Дмитрий Дерябин, тиде ола гычак 52 килограмман- влак коклаште Егор Данилов той медаль дене палемдалтын. Сеҥыше- влак тений февральыште Суздальыште лийшаш Российын Первенствыштыже участвоватлаш правам сеҥен налыныт.
          Фото: Спорт-туризм министерстве.

Прошлые выпуски