Агропромышленный комплекслан специалистым ямдылыме йодышым каҥашеныт
Республиын правительствыштыже агропромышленный комплекслан специалистым ямдылыме йодышым каҥашеныт. Совещанийым Правительство Председательын алмаштышыже Дмитрий Троицкий эртарен. Тушто ял озанлык министр Андрей Кондратенко, туныктыш министр Лариса Ревуцкая, кӱшыл тунемме заведенийлан еҥышт, вӱдышӧ ял озанлык предприятийлан вуйлатышышт лийыныт. Палемдыме: кызыт АПК предприятийлаште кӱшыл да кыдалаш шинчымашан специалист- влак да тӱрлӧ профессиян пашазе- влак огыт сите. Посна тӱткышым ончылгоч профориентаций пашалан, самырык- влакым ял озанлык пашалан, аграрный профессийлан кумылаҥдыме йодышлан ойыраш кӱлеш. Дмитрий Троицкий палемден: кугыжаныш да туныктыш, агробизнес велым АПК кадрым комплексно ямдылаш кӱлеш манын. Туныктышо организаций ден ял озанлык производитель- влак коклаште вияш кылым ышташ, тунемме планын структурыжым вашталташ, самырык специалист- влак кодышт манын льготым пуаш да йӧным ышташ, самырык- влакым ойпидыш почеш туныкташ колташ кӱлеш манын палемден.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
