Республикысе калык 10-шо февральыште «Российын ечыгорнышкыжо» лектеш

Республикысе калык 10-шо февральыште «Российын ечыгорнышкыжо» лектеш
              Республикысе калык 10-шо февральыште «Российын ечыгорнышкыжо» лектеш. Тений «Российын ечыгорныжо» Ленинградым фашист блокаде деч пӱтынек утарымылан 80 ий теммылан пӧлеклалтеш. Тӱҥ стартым Ленинградыште пуымо лиеш. Ече дене Россий кӱкшытан таҥасымашыште участвоватлаш регистрацийым эртыман. Российын спорт министерствыже «Ечыгорныш» онлайн-возалтмашым Кугыжаныш полыш порталыште тӱҥалын. Регистраций деч вара шижтарымаш вич паша кече жапыште толеш. Тиде полышын ойыртемже теве кушто. Таҥасымашыш мийыме годым паспорт ден полисын оригиналыштым ончыкташ ок кӱл. Тидын олмеш телефонышто вераҥдыме Кугыжаныш полыш порталыште нине документдам ончыкташ кӱлеш.
           Фото: Спорт-туризм министерстве.

Прошлые выпуски