Марий Эл Азийысе эл- влак дене вашкылым кумдаҥда

Марий Эл Азийысе эл- влак дене вашкылым кумдаҥда
             Марий Эл Азийысе эл- влак дене вашкылым кумдаҥда. ВДНХ-ште «Россий» Тӱнямбал выставке-форумышто «Марий Эл Республикын экспорт куатше да Азий  эл- влак дене вашкылын ончыкылыкшо» теме дене йыргешке ӱстел эртен. Республикым вуйлатышын кӱштымыжӧ почеш республикын делегацийжым Правительстве вуйлатышын алмаштышыже Дмитрий Троицкий вуйлатен. Мероприятийыште регионысо ял озанлык производитель- влак ассоциацийын еҥышт, Российысе экспорт рӱдерын, «Агроэкспорт» акционер ушемын, ведомство ден оргаиазцийлан специалистше-шамыч, Марий Эл гыч АПК-н экспортёржо-влак лийыныт. Почётан уна- влак коклаште Монголий посольствын, Тайладн Королевство посольствын, Москваште Улан-Батор олан еҥже, Росийысе йотэл паша министерствын Йошкар-Оласе представительже Лариса Полушина лийыныт.
             Вашлиймаште палемдыме: 2023-шо ийыште пареҥге ден скаскам ончен-кушташ да ужалаш кугыжаныш полыш икымше гана 75 миллион теҥге лийын. Ончылгоч шотлымо почеш АПК продукцийым экспортыш  54 миллион долларлан колтымо. Тидыже кодшо ийысе кӱкшыт ден 160 процент лиеш. Тӱҥ шотышто йотэлыш ямде кочкыш сатум, шылым да шӧрым колтат. Экспорт кылым 19 эл дене кучалтеш. Тыгак Монголийыште Марий Элысе специалист- влакын шинчымашыштым кучылтын саскам куштымо пашам вияҥдыме вашкыл нерген йодышым онченыт. Ял озанлыкыште, шанче ден шинчымашым пуымо аланыште Монголий ден Марий Эл коклаште вашкылын проектыштым каҥашыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски