Марий Элым вуйлатыше полномочный министр, Российыште Индий Республикын Посольствыжын советникше Субрата Дас дене вашлийын

          Марий Элым вуйлатыше Юрий Зайцев  полномочный министр, Российыште Индий Республикын Посольствыжын советникше Субрата Дас дене вашлийын. Тудо палемден: Россий ден Индий шукертсек йолташ да ятыр областьыште партнёр улыт. Индийын тӱвыраже Российысе ятыр калыклан палыме. Кызыт Марий университетыште тунемше йотэл студент- влак Российын да Марий Элынат тӱвыраже дене палыме лийыт.
         Келшымаш пеш кӱлешан, тыгак экономикыште, социал сферыште, туныктымо да моло корно дене вашкыл ончыко лектеш. Нунымат ме вияҥдаш шонена,- каласен Субрата Дас. МарГУ-н ректоржо Михаил Швецов ешарен: занятий- влак англичан йылме дене эртаралтыт, но студент- влак руш йылмымат обязательно тунемыт. Индий гыч самырык еҥ- влаклан тунемашат, илашат сай йӧным ыштыме. Нуно вузын мер илышыштыже, спорт, тӱвыра мероприятийлаште чолган участвоватлат. Кызыт Марий университетыште Индий гыч тӱжемат 300 студент шинчымашым пога, утларакше медицина факультетыште тунемеш. Университет медицина школын Тӱнямбал справочникышкыже пурен.
             Фото: Марий Элым вуйлатышын организаций да аналитик виктемже.

Прошлые выпуски