Марий Элым вуйлатыше Российын промышленность да торговля министрже Антон Алиханов дене вашлийын

Марий Элым вуйлатыше Российын промышленность да торговля министрже Антон Алиханов дене вашлийын
               Марий Элым вуйлатыше Российын промышленность да торговля министрже Антон Алиханов дене вашлийын. Нуно республикыште промышленностьым вияҥдыме, «Россий радиоэлектронике кластер» проектым шыҥдарымашым каҥашеныт. Кӱкшӧ классан печатный платым лукшо эл- влакын санкций политикыштлан кӧра импортым алмаштымаш тӱҥ йодышыш савырнен. Марий Элыште 2022-шо ий гыч вӱдышӧ радиоэлектронике субъект- влакым ушышо «Россий радиоэлектронике кластер» проект шыҥдаралтеш. Проект кышкарыште 6-шо да 7-ше классан чын ончыктышо печатный платым, тыгак тӱрлӧ типан да нелылыкан интеграл микросхемылан металло керамика корпусым лукташ палемдыме. Кызыт тыгай платым шукырак лукмаш мыланна тӱҥ улеш. Тиддеч посна металло керамик корпусым лукмо у площадь- влакым ышташ кӱлеш. Тидыже военный, космический, атомный энергетикыште, добыватлыше промышленностьышто кучылташ утларак лукташ йӧным пуа.- каласен Антон Алиханов. Радиоэлектронике аланыште проект- влакым шыҥдараш Марий Элын кугу куатше уло. Вашлиймашыште тыгак «ЗПП» акционер ушемым вияҥдыме программе кышкарыште шанче да шинчымашым пуышо кластерым ыштыме йодышым каҥашыме. Алиханов палемден: лабораторий да эксперимент ден опыт участке- влаклан оборудованийым налаш, ончыкылык рӱдер ден кампусым ышташ кок помещенийым чоҥаш льгото почеш оксам ойырымо йодышым лончылен лекташ кӱлеш. Предприятий кластер инвестиций платформа кышкарыште полыш дене пайдаланен кертеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски