Марий Элым вуйлатыше теҥгече Козьмодемьянск олаш миен
Марий Элым вуйлатыше теҥгече Козьмодемьянск олаш миен. Тудын дене пырля кадр программын слушательже- влак Владислав Шеин ден Павел Попов миеныт. Республикым вуйлатыше нунын наставникышт улеш. Юрий Зайцев «Тошто Козьмодемьянскын уремже- влак» тӱшка кумдыкым уэмдыме пашам ончен. Тиде Юл серысе ола утларак турист- влакым кумылаҥден шога, судно- влак утларак чарнат. Тений 511 судно ола воктенен шогалын. Йӧнан оласе кумдыкым ыштыме шотышто Россий кӱкшытан конкурсышто кодшо ийын сеҥыше проектым тений щыжым мучашлыме. Тӱшка кумдыкым уэмдашлан 65 миллион теҥгем кучылтмо. Регионым вуйлатыше тыгак Григорьев лӱмеш сӱрет да историй тоштерыш миен. Тудым тений технике дене пойдарыме. Тиде пашалан 8 миллионат 900 тӱжем теҥгем ойырымо ыле.
Козьмодемьянскыш паша дене мийыме годым республикым вуйлатыше тыгак социал объект- влакым чоҥымо да уэмдыме шотышто калыкле проект- влакым шыҥдарыме пашам терген. Тӱҥ событийыш уэмдыме книгагудым да у спорт площадкым почмаш савырнен. Книгагудым уэмдымаш ойыртемалтше кумдыкым ышташ полшен. Тудо историйым да кызытсе жапым ушен шога. Ойырымо 15 миллион теҥге технике дене пойдараш, книга фондым уэмдаш, у интерьерым ышташ полшен. Книгагудо у мебельым, компьютер техникым, мультимедий оборудованийым налын да калыкым обслуживатлыме кумдыкым ешарен. Республикым вуйлатыше пайрем шӱлышеш оласе икымше кыдалаш школ кумдыкышто «ушан» спортплощадкым почын. 23 миллион теҥгеаш площадкыш футбол, волейбол, баскетбол дене модмо площадке, турник да тренажёран воркаут-зона, трибуна пурат. Почмо кышкарыштак спорт таҥасымаш эртен.
Паша дене Чыкма олаш мийыме кышкарыште Юрий Зайцев «Марий Элын Геройжо-шамыч. Талешке- влак» кадр программын колыштшыжо- влак Владислав Шеин да Павел Попов дене вашлиймашым эртарен. Нунын деке эше СВО-н ик участникше Сергей Лаврентьев ушнен. Нуно колыштшо- влакын паша ончыкылыкыштым каҥашеныт, кадр программе нерген шонымашыштым каласеныт. Регионым вуйлатыше верлаште, поснак туризм сферыште вийым пышташ кӱлешлыкым палемден. Республикын ик турист рӱдерыштыже- Козьмодемьянскыште лиймаш ончыкта: тушто ме кугу инфраструктура проект- влакым шыҥдарена. Но тыште илыше калыкынат тыршымашыже кӱлеш. Нуно верлаште мо кӱлешым утларак палат. Тидыже ончыкылык инвестор- влак дене кылым ышташ полша- отельер, ресторатор-влак дене. Тиде пашашке теат ушнен кертыда,- палемден Юрий Зайцев. Программын участникше- влак турист куатым вияҥдымашке ушнаш кумылан улмыштым каласеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Козьмодемьянскыш паша дене мийыме годым республикым вуйлатыше тыгак социал объект- влакым чоҥымо да уэмдыме шотышто калыкле проект- влакым шыҥдарыме пашам терген. Тӱҥ событийыш уэмдыме книгагудым да у спорт площадкым почмаш савырнен. Книгагудым уэмдымаш ойыртемалтше кумдыкым ышташ полшен. Тудо историйым да кызытсе жапым ушен шога. Ойырымо 15 миллион теҥге технике дене пойдараш, книга фондым уэмдаш, у интерьерым ышташ полшен. Книгагудо у мебельым, компьютер техникым, мультимедий оборудованийым налын да калыкым обслуживатлыме кумдыкым ешарен. Республикым вуйлатыше пайрем шӱлышеш оласе икымше кыдалаш школ кумдыкышто «ушан» спортплощадкым почын. 23 миллион теҥгеаш площадкыш футбол, волейбол, баскетбол дене модмо площадке, турник да тренажёран воркаут-зона, трибуна пурат. Почмо кышкарыштак спорт таҥасымаш эртен.
Паша дене Чыкма олаш мийыме кышкарыште Юрий Зайцев «Марий Элын Геройжо-шамыч. Талешке- влак» кадр программын колыштшыжо- влак Владислав Шеин да Павел Попов дене вашлиймашым эртарен. Нунын деке эше СВО-н ик участникше Сергей Лаврентьев ушнен. Нуно колыштшо- влакын паша ончыкылыкыштым каҥашеныт, кадр программе нерген шонымашыштым каласеныт. Регионым вуйлатыше верлаште, поснак туризм сферыште вийым пышташ кӱлешлыкым палемден. Республикын ик турист рӱдерыштыже- Козьмодемьянскыште лиймаш ончыкта: тушто ме кугу инфраструктура проект- влакым шыҥдарена. Но тыште илыше калыкынат тыршымашыже кӱлеш. Нуно верлаште мо кӱлешым утларак палат. Тидыже ончыкылык инвестор- влак дене кылым ышташ полша- отельер, ресторатор-влак дене. Тиде пашашке теат ушнен кертыда,- палемден Юрий Зайцев. Программын участникше- влак турист куатым вияҥдымашке ушнаш кумылан улмыштым каласеныт.
Фото: Марий Элым вуйлатышын администрацийжын увер дене пашам ыштыше пӧлкаже.
