Курчак театр- влакын «Яндар» тӱнямбал фестивальышт почылтын
Таче Йошкар-Олаште курчак театр- влакын «Яндар» тӱнямбал фестивальышт почылтын. Республикысе курчак театрын сценыштыже 11-ше гыч 16-шо ноябрь марте Российын тӱрлӧ кундемже гыч ятыр спектакль ончыкталтеш. Афишыште Екатеринбург ден Ульяновск, Санкт-Петербург ден Волгоград, Набережный Челна ден Томск, Мытищи ден Омск, Саранск ден Йошкар-Ола коллектив- влакын постановкыштым ончыктымо. Тиде тӱвыра событийыш эсогыл Китай гыч театр «Курчак- влакын йомак садышт» спектакль дене толеш. Кажне пашам профессионал жюри аклаш тӱналеш. Марафоным Екатеринбургысо курчак театр «Гоголь. Триптих» пашаже дене почеш.
Фото: МариМедиа.
Фото: МариМедиа.
