«Эреҥер» ансамбль «Мурышо Россий» конкурсышто икымше степенян лауреат лийын.
Йошкар-Ола гыч «Эреҥер» ансамбль «Мурышо Россий» конкурсышто икымше степенян лауреат лийын. Тудо Ульяновск олаште руш мурым мурышо- влакын «Мурышо Россий» Россий кӱкшытан конкурсышто выступатлен. Марий филармонийын коллективше «Марий кундем» калык семӱзгар кугыжаныш оркестын шоктымо дене «Ансамбль» номинацийыште икымше степенян лауреат лийын. Тиде конкурс 2011-ше ий гыч эртаралтеш. Тений элнан 22 кундемже гыч 700 наре участникым чумырен.
Фото: Марий филармоний.
Фото: Марий филармоний.
