У Торъял районышто физкультура да тазалыкым пеҥгыдемдыме комплексым почмо
У Торъял районышто физкультура да тазалыкым пеҥгыдемдыме комплексым почмо. Районысо калыклан тудым «Демографий» калыкле проектын «Спорт- илышын нормыжо» федерал проектше кышкарыште чоҥымо. У Торъялыште ФОК Советский уремыште школ воктене верланен. Мийыше- влаклан чапле спортзал- влакым ыштыме. Тушто теннис, бильярд дене модаш, кучедалаш лиеш. Тыгак кок бассейн уло,- увертарен У Торъял муниципал округым вуйлатышын пашажым шуктышо Денис Таныгин. Комплексым эше 2011-ше ийыште чоҥаш тӱналме, но мучашлыме огыл. Пытартыш ийлаште гына паша уэш вораҥаш тӱҥалын. Правительствын полшымыжо дене проектым мучашлен кертме. У ФОК- мемнан районышто чынжымак шукертсек вучымо. Мый ӱшанем тудо яра шинчаш ок тӱҥал, а самырык да еш- влакын жапым эртарыме верышкышт савырна. Районысо пӱтынь калыклан таза илыш йӱлам шыҥдарымаште сеҥымаш- влакым тыланем,- каласен Денис Таныгин.
Фото: Денис Таныгинын лаштыкше гыч.
Фото: Денис Таныгинын лаштыкше гыч.
