Пеҥгыде шӱк-куштырам перерабатыватлаш оксам ойырымо
Марий Эллан пеҥгыде шӱк-куштырам перерабатыватлыше инфраструктурым ышташлан Российын Правительствыже ик миллиардат 200 миллион теҥгем ойырен. Тидын шотышто распоряжениеш кидпалыжым Россий Правительствым вуйлатыше Михаил Мишустин пыштен. Шийвундо отходым ойыркалыме да перерабатыватлыме объектым чоҥашлан колталтеш. Тидыже полигоныш куштырам шагалрак шупшыкташ йӧным пуа. Тиде Марий Элын ончыкылык экологийышкыже пыштыме кугу надыр. Федерал рӱдерлан полшымыжлан кугу тау,- возен социал вотысо шке лаштыкыштыже республикым вуйлатыше.
Фото: Пӱртӱс поянлык министерстве (архив).
Фото: Пӱртӱс поянлык министерстве (архив).
