Йошкар-Ола олтымо тургымлан ямде улмо шотышто паспортым налын
Йошкар-Ола 2025-ше-2026-шо олтымо тургымлан ямде улмо шотышто паспортым налын. Ола мэрын пашажым шуктышо Антон Трудиновын палемдымыже почеш, Ростехнадзорын пуымо документ марий рӱдӧ олалан кӱлешан улеш да тургымлан кугу ямдылыме пашам шуктымо нерген ойла. Инженер сетьлам, котельныйым, теплотрассым тергыме, топливе шапаш ден резерв агрегатым ямдылыме, квалификациян персоналым ситарыме. Йошкар-Олаште кок тӱжемат 200 утла шуко пачеран пӧрт, ятыр социал объект улмым шотыш налаш гын, тиде калыклан ӱшанлын шокшым ситараш негызым ышта,- палемден Антон Трудинов.
Фото: Антон Трудиновын ВК-же.
Фото: Антон Трудиновын ВК-же.
