Марий- влакын 15-ше 17-ше курымласе этнический кылышт нерген монографийым савыктеныт

Марий- влакын 15-ше 17-ше курымласе этнический кылышт нерген монографийым савыктеныт
             Йошкар-Олаште марий- влакын 15-ше 17-ше курымласе этнический кылышт нерген монографийым савыктеныт. Марий- влакын руш, татар, чуваш да одо- влак дене кылым кучымышт нерген кумда шымлымашым лукмо. Йылмым, сылнымутым да историйым научно шымлыше Валериан Васильев лӱмеш марий институт Сергей Свечниковын монографийжым луктын. Савыктыш ятыр архив да  шанче литературым иктешла. Авторын палемдымыже почеш, регионышто курымла дене шуко тӱрлӧ калыкын тыныслын пырля илыме пеҥгыде принципышт вияҥын толын. Монографийыште нине калык дене кылым кучымо ойыртемым келгын шымлыме. Посна верым ондак тӱткышым виктарыдыме аспект- влаклан ойырымо. Книга историк, этнолог, педагог да студент- влаклан, Юл кундемын да Российын 15-ше-17-ше курымласе историйжым шымлыше- влаклан пайдале лиеш.
          Фото: Кидшер.

Прошлые выпуски