Тарханово эко-паркым умбакыже вияҥдат
Рӱдӧ оласе Тарханово эко-паркыште куржталме корным да визит-рӱдерым чоҥат. Тиде кумдыкым умбакыже вияҥдат. Тений парк йыр куржталме корным чоҥат, визит-рӱдерым ыштат, эҥер вӱд корным эрыктат да парковкым келыштарат. Тенийсе тургымлан план нерген проектым темлыше Александр Марушко каласкален. Телым тергымаш ончыктен: йолгорно, асфальт, тул волгыдо, Вай-фай да камере- влак сайын пашам ыштат. Но шошым вочшо лум эҥгекымат конден. Шуко пушеҥге сӱмырлен, поснак эҥер воктене, канен кошташ йӧндымылыкым ыштен. Тений тудым шотыш кондаш кӱлеш. Кодшо ийын шындыме южо кушкылым вашталтыде ок лий.
Тенийсе тӱн проектым ончалаш гын, ончылно куржталме корно улеш. Тудым парк йыр ыштат. Ик компаний тудым шыҥдараш полша. Проект почеш 22 миллион теҥгем пыштыман. Тушко шке корныжо, асфальтым шарымаш, теҥгыл, волгыдым пуртымаш да изи архитектур формо- влак пурат.
Кокымшыжо- визит- рӱдер. Вӱдым ситарыше ик фирмын полшымыжо дене 250 квадрат метр кумдыкан зданий рӱдӧ площадь воктене лийшаш. Кӧргыштыжӧ вашлийме вер, администраций, кафе, санузел, прокат, выставке зал, семинар ден конференцийлан 20-30 еҥлан пӧлем лийшаш улыт. Воктенже леведышан площадкым ыштат.
Кумшо пашаже- Шоя эҥер вӱд корным эрыктымаш. Ик ужашыжым эрыкыме гын, ынде кӱвар деч вес могыр сер кумдыкым тӱзаташ кӱлеш. «Пӱртӱс» фонд пашам тӱналын.
План гыч эше ик ужашыже- парковко. Дружба ден Водопроводный урем тураште 40 автомобильлан верым ышташ шонат. Но планым тӱрыс шыҥдарымеш эше тӱрлӧ йодыш- влак лектын шогат. Туге гынат, лум вочмеш чыла ыштен шукташ ӱшаным кучат.
Фото vk.com/ecopark12
Тенийсе тӱн проектым ончалаш гын, ончылно куржталме корно улеш. Тудым парк йыр ыштат. Ик компаний тудым шыҥдараш полша. Проект почеш 22 миллион теҥгем пыштыман. Тушко шке корныжо, асфальтым шарымаш, теҥгыл, волгыдым пуртымаш да изи архитектур формо- влак пурат.
Кокымшыжо- визит- рӱдер. Вӱдым ситарыше ик фирмын полшымыжо дене 250 квадрат метр кумдыкан зданий рӱдӧ площадь воктене лийшаш. Кӧргыштыжӧ вашлийме вер, администраций, кафе, санузел, прокат, выставке зал, семинар ден конференцийлан 20-30 еҥлан пӧлем лийшаш улыт. Воктенже леведышан площадкым ыштат.
Кумшо пашаже- Шоя эҥер вӱд корным эрыктымаш. Ик ужашыжым эрыкыме гын, ынде кӱвар деч вес могыр сер кумдыкым тӱзаташ кӱлеш. «Пӱртӱс» фонд пашам тӱналын.
План гыч эше ик ужашыже- парковко. Дружба ден Водопроводный урем тураште 40 автомобильлан верым ышташ шонат. Но планым тӱрыс шыҥдарымеш эше тӱрлӧ йодыш- влак лектын шогат. Туге гынат, лум вочмеш чыла ыштен шукташ ӱшаным кучат.
Фото vk.com/ecopark12
