Шарныме да ойганыме кечын Кугу Ачамланде сарын геройжо- влакын подвигыштым суапландараш ӱжыт

Шарныме да ойганыме кечын Кугу Ачамланде сарын геройжо- влакын подвигыштым суапландараш ӱжыт
          Шарныме да ойганыме кечын Йошкар-Оласе калыкым да уна- влакым Кугу Ачамланде сарын геройжо- влакын подвигыштым суапландараш ӱжыт. 21-ше июньын 18 шагатлан Юмынаван Тихвин юмоҥажын храмыштыже оласе шарнымаш сортам чӱктен святитлат. 19 шагатат 30 минутлан Воин Чап монумент воктене «Шарнымаш сорта» тукымлам ушен шогышо патриот акций тӱналеш. Вуйым пыштыше- влак лӱмеш тӱжем дене сортам чӱктат.
          22-шо июньышто ныл шагат эрдене Курымашлык тул воктене пӱтынь оласе митинг-рекивем лиеш. Вуйым пыштыше- влакым ик тат шып шоген шарналтат да пеледышым пыштат. 10 шагатлан Тылыште тыршыше- влаклан чапкӱ воктене шарныме митинг тӱналеш. 11 шагатлан Марково шӱгарлаште митинг лиеш, 12 шагталан Воин Чап монумент воктене шарныме митинг эрта. 12 шагтат 15 минутлан Уло элна мучко ик тат шып шоген шарнымаш лиеш. Чыла калыкым пырля геройна- влакым пагалымашым ончыкташ да тиде шарнымашым ончыкылык тукымлан арален кодаш ӱжыт.
         Фото: Йошкар-Ола администраций (архив).

Прошлые выпуски