Марий Элым вуйлатыше Юрий Зайцев калыклан приёмым эртарен

Марий Элым вуйлатыше Юрий Зайцев калыклан приёмым эртарен
              Марий Элым вуйлатыше Юрий Зайцев калыклан приёмым эртарен. Яллаште корным шотыш кондымаш да моло йодыш- влакым нӧлталме Марий Элым вуйлатышын калык дене вашлиймыже годым. Суслонгер посёлкышто илыше Лилия Головкина Мир уремыште корным олмыкташ йодмаш дене миен. Тудо палемден: пытартыш жапыште кундемлам тӱзатыме йодышлан кугу тӱткыш ойыралтеш. «Оласе йӧнан кумдыкым ыштымаш» федерал проект кышкарыште Мир уремысе чыла кудывечыште корным олмыктымо, волгыдым пуртымо, урно ден теҥгыл- влакым вераҥдыме. Но  посёлкысо Мир уремыште автомобиль корным ачалыме огыл. Звенигово район администрацийым вуйлатыше Сергей Петров умылтарен: корным олмыкташ сметым шотлымо. Пашам 2025-ше ийлан палемдыме. Куженер посёлкышто илыше деч пурышо эше ик йодыш посёлко деке толшо автомобиль корным олмыктымо дене кылдалтын. Корно Куженер посёлкым Одобеляк- Куженер- Параньга корно дене ушен шога. Транспорт министр Александр Герасименко рашемден: «Илышлан инфраструктура» калыкле проектым шыҥдарыме кышкарыште 2025-ше ийыште тиде корным олмыкташ палемдыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски