Тений республикыштына турист отрасльым вияҥдаш 130 миллион наре теҥгем колтымо

Тений республикыштына турист отрасльым вияҥдаш 130 миллион наре теҥгем колтымо
             Тений республикыштына турист отрасльым вияҥдаш 130 миллион наре теҥгем колтымо. Марий Элыште туризмым вияҥдаш федерал да республикысе бюджетла гыч ойырымо субсидий- влак кодшо ийысе дене таҥастарымаште кок пачаш кугемдыме улыт. 2023-шо ийысе лектышым да тенийлан планым Россий Правительстве вуйлатышын алмаштышыже Дмитрий Чернышенкон видеоконференций режим дене эртарыме туризмым вияҥдыме шотышто правительстве комиссийын заседанийыштыже каҥашыме. Вице-премьер палемден: 2023-шо 2024-ше ийлаште турист отрасльлан ойырымо тӱшка оксан кугытшо 100 миллиард наре теҥге лийын. Эртыше ий ончыктен кӧргӧ туризм тӧрланен гына огыл, ковид деч ончычсо кӱкшытым эртен каен. Кушмаш 20 процентыш шуын. 78 миллион гана лектын коштмо, - каласен Чернышенко. Марий Эл турист- влакын чотыштым кугемден шога да турист- влакын ик эн йӧратыме кундемышкышт савырна. Кодшо ийын мемнан деке миллион утла еҥ толын каен. Тушечын 504 тӱжемже- икшыван еш- влак улыт. Юрий Зайцев палемден: мыланна чынжымак уна- влаклан уло мом ончыкташ. Аэропорт ден чоҥештен кӱзымӧ да волен шичме полосам пужен ыштыме деч вара турист- влакын чотышт эшеат шукемаш манын ӱшанем.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски