Йошкар-Олаште тений эн сай пеледыш йыраҥлан конкурс- влакым олалан 440 ий теммылан пӧлеклат
Йошкар-Олаште тений эн сай пеледыш йыраҥлан конкурс- влакым олалан 440 ий теммылан пӧлеклат. Уремыште эше теле озалана гынат, администрацийыште олам пеледыш дене сӧрастарыме нерген кызытак шоналташ темлат. Адакшым озымым да композицийлан материал- влакым ончылгоч ямдылаш кӱлеш. Тений адакат эн сылнын сӧрастараш кок усталык конкурс лиеш: «Пеледше ола» да пырдыжым сылнештарыме «Ужар ола». Нуно икымше июнь гыч 20-шо сентябрь марте эртаралтыт. Участник- влак олан 440 ияш лӱмгечыже лӱмеш шочмо верын историйжым, тӱвырам, йӱлам ончыктат гын сай лиеш ыле. Шуко пачеран пӧртлаште илыше, виктарыше компаний, ТОС, ТСЖ, ТСН, предприятий, организаций, тунемме тӧнеж- влак шке усталыкыштым кучылтын, чапле пеледыш йыраҥ- влакым ыштен кертыт,- ойлат ола мерийыште. Йодмаш- влакым 3-шо июнь гыч 20-шо июнь марте налыт.
Фото: Йошкар-Олан мэрийже.
Фото: Йошкар-Олан мэрийже.
