Марий Элын бригадыже Куйбышев районышто кӱлешан паша- влак дене полша

Марий Элын бригадыже Куйбышев районышто кӱлешан паша- влак дене полша
           Марий Элын бригадыже Куйбышев районышто школ ден йоча садын пищеблокыштым олмыктен. Розовка посёлкысо кокымшо номеран школысо пищеблокышто оборудованийым ушен пытара. Тиддеч ончыч олмыктымо пашам мучашленыт да разводкым монтироватленыт. Кок плитам чӱкташ, электротулым пуаш да заземленийым ышташ гына кодын. Нуно тыгак йоча садикыште пищеблокым олмыктеныт. Кум вытяжкым вераҥденыт, овощерезкым, мясорубкым ешареныт, пӱтынек электроволгыдым вашталтеныт,- увертара Куйбышев районын администрацийже.
            Марий Эл гыч пашазе- влак тыгак Куйбышев районышто тӱтан мардежын эҥгекшым кораҥдат. Тушто уда игечылан кӧра Камыш-Заря посёлкысо администраций зданийын леведышыже, Куйбышево посёлкышто шуко пачеран илыме пӧртын леведышыже лунчырген. Инфраструктурым тӧрлаш полшышо Марий Эл гыч пашазе- влак объектыш шиферым конденыт да пашам тӱҥалыт. Ончыкылык паша раш,- увертара шефыш налме районын администрацийже.
         Фото: Куйбышев районын администрацийже.

Прошлые выпуски