Марий Элым вуйлатыше Юрий Зайцев Российын чоҥымаш, илыме вер да коммунал озанлык министрже Ирек Файзуллин дене вашлийын

Марий Элым вуйлатыше Юрий Зайцев Российын чоҥымаш, илыме вер да коммунал озанлык министрже Ирек Файзуллин дене вашлийын
               Теҥгече Марий Элым вуйлатыше Юрий Зайцев Российын чоҥымаш, илыме вер да коммунал озанлык министрже Ирек Файзуллин дене вашлийын. Нуно республикыште «Илыме вер да оласе кумдык» калыкле проектым шыҥдарыме лектышым, «Илашлан инфраструктура» у калыкле проект кышкарыште палемдыме мероприятий- влакым каҥашеныт. Юрий Зайцев палемден: федерал полышлан кӧра республикыште калык ончылно пӱсын шогышо йодыш- влак виктаралтыт: тӱшка кумдык- влак тӱзландаралтыт, коммунал озанлык объект- влак пужен ышталтыт, илыме вер фонд уэмеш. Росстатын ончыктымыжо почеш 2024-ше ийыште 484 тӱжем квадрат метр илыме верым пашаш колтымо. Тиддеч посна 74 тӱшка да кудывече кумдыкым тӱзландарыме. Оласе йӧнан кумдыкым ыштыме шотышто эн сай проект- влакын Россий кӱкшытан 9-ше конкурс кышкарыште лишыл ийлаште кум у кумдыкым тӱзландарыме лиеш: Козьмодемьянскыште урем, Волжскышто парк да Звениговышто аллей. Марий Элым вуйлатыше Россий чоҥымаш министерствым вуйлатышылан республикылан тӱткышым ойырымылан, полышым пуымылан да пырля пайдале пашам шуктымылан таум каласен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски