Российын чоҥымаш министерствыштыже Ирек Файзуллин Марий Элым вуйлатыше Юрий Зайцев дене вашлиймашым эртарен

Российын чоҥымаш министерствыштыже Ирек Файзуллин Марий Элым вуйлатыше Юрий Зайцев дене вашлиймашым эртарен
               Российын чоҥымаш министерствыштыже Ирек Файзуллин Марий Элым вуйлатыше Юрий Зайцев дене вашлиймашым эртарен. Тушто Российын чоҥымаш да ЖКХ министерствыжын курироватлыме федерал проектлам да  регионысо чоҥымо отрасльым вияҥдыме йодышым каҥашыме. Росстатын ончыктымыжо почеш тений вич тылзыште Марий Элыште 183 тӱжем квадрат метр илыме верым пашаш колтымо. Тидын годым 51 тӱжем квадрат метр шуко пачеран пӧртлам, 132 тӱжем квадрат метр посна пӧртлам чоҥымо. «Стимул» программе кышкарыште Апшакбеля ялыште кокымшо-кумшо черет мланде участкылам айлаш автомобиль корным чоҥен шуктымо, Йошкар-Олаште Йыван Кырла урем деч Западный урем марте йӱрвӱд канализаций коллекторым пыштыме. Тиде программе почеш  инфраструктура проект- влакым умбакыже шыҥдараш тӱналыт. Тений республикыште федерал проект почеш 74 объектым тӱзландарыме пашам шуктышаш улыт. Тушко 26 кудывече да 48 тӱшка кумдык пурат. Тиддеч посна вашлиймашыште «Юл эҥерым тазаҥдымаш» федерал проектым шыҥдарыме йодышым каҥашыме. Тудын кышкарыште Йошкар-Оласе очистной сооруженийым чоҥен пытарышаш улыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски