Марий Элыште «Качестван лӱдыкшыдымӧ корно» калыкле проект почеш пашан ик кумшо ужашыжым шуктымо
Марий Элыште «Качестван лӱдыкшыдымӧ корно» калыкле проект почеш пашан ик кумшо ужашыжым шуктымо. Теҥгече Марий Элым вуйлатыше Юрий Зайцев Российысе правительствын регионлам вияҥдыме шотышто правительство комиссий президиумын заседанийыштыже лийын. Тудым видеоконференций режим дене Правительстве вуйлатышын алмаштышыже Марат Хуснуллин эртарен. Погынымаш калыкле да федерал проектлам шыҥдарыме да регионлаште корным чоҥымо йодышлан пӧлеклалтын. Тений республикыште калыкле проект кышкарыште 230 меҥге наре кужыт автомобиль корным норматив марте шукташ палемдыме. Паша графикым ончылтен ышталтеш. Таче кечылан 31 процент корно пашам шуктымо. Калыкле проект почеш 17 кӱварым олмыктымо лиеш. Кызыт Морко кундемыште Ировка эҥер гоч кӱвар чоҥалтеш. Тудым шыжылан шукташ шонат. Туддеч посна тений Йошкар-Ола- Уржум корнышто Немда эҥер гоч кӱварым пужен ышташ тӱналме. Тыгак Одобеляк- Куженер- Параньга корным пужен ыштыме пашам мучашлаш палемдалтеш. «Ял кундемлаште транспорт инфраструктурым вияҥдымаш» федерал программылан кӧра Шернур районышто ял озанлык объект- влак деке вич меҥге утла кужыт корным чоҥымо паша шукталтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
