Марий Элын 100 ияш лӱмгечыжлан тӱнямбал кулинар рекордым ончыкташ шонат
Марий Элын 100 ияш лӱмгечыжлан тӱнямбал кулинар рекордым ончыкташ шонат. 17-ше октябрьыште «Леве эҥер» трактирыште республикын картшым ушештарыше тӱнямбалне эн кугу тортым ыштен ончыктат. Тиде кочмо вер шке рекордшо дене эре куандара. Лач тушто кум ий ончыч эн кӱкшӧ коман мелна кышылым, эн кугу подкогыльым ыштыме ыле. Тортым ышташ республикыште лукмо продукт- влак гына кучылталтшаш улыт. Тудын кугытшо кум метрат пеле кужытан да ик метрат 300 метр лопкытан лийшаш, кумдыкшо ныл квадрат метрат пеле утлаш погына, нелытше кум центнер наре лиеш очыни. Тудын нерген увер-йодмашым Гиннесын рекорд книгашкыже колтымо. Рекордым регистрироватлыме деч вара тортын ужашыж дене пайремыш толшо- влакым сийлат, а молыжым йоча пӧртлашке колтат. Моско гыч ресторанын критикше толшаш. Мероприятий 17-ше октябрьыште 17 шагатлан тӱҥалеш.
